Өзбекстанда таудан құлаған тас салонында жолаушысы бар көлікті басып қалды

Өзбекстанда үлкен тас таулы өңірден өтіп бара жатқан Chevrolet Cobalt көлігінің үстіне құлап, ондағы адамдарды басып қалды.

Қайғылы оқиға 6 қараша күні сағат 16:00-де Қашқадария облысындағы Тахтақараша асуында болған. Үш адам оқиға орнында көз жұмды.

Көлік Китабтан Самарқандқа бара жатқан. Қаза болған азаматтардың кім екені анықталып жатыр. Әлеуметтік желілердегі деректерге қарағанда, салондағы жолаушылар Венгрия азаматтары, жүргізуші Өзбекстан азаматы болған. Әзірге бұл ақпарат расталған жоқ.

Қазіргі уақытта өткелде көлік қозғалысына уақытша тыйым салынды. Қазір онда бір топ маман жұмыс істеп жатыр.