Павлодарда 13 жасар қызды зорлаған студент сотталды

16 жастағы студент жасөспірімді үйінде зорлады деп айыпталуда. Тергеу мәліметтеріне сүйенсек, бұл бір реттік оқиға емес.

Қылмыс 2024 жылдың басында болған. Студент қыздың үйінде болып, сол жерде онымен танысқан. Олар әлеуметтік желі арқылы сөйлесіп жүрген, бірақ бір айдан кейін жігіт қыздың үйіне келіп, тиісе бастаған.

 Мектеп оқушысы қарсылық көрсеткенімен, зорлық-зомбылықтың құрбаны болған.

 Тергеу нұсқасы бойынша, бірнеше күннен кейін екінші мәрте зорлау фактісі тіркелген.

 Сот үкімі

Сот материалдарды зерделеп, айыпталушының кінәсі толық дәлелденді деген шешімге келді.

 «ҚР Қылмыстық кодексінің 120-бабы 4-бөлігінде көзделген қылмыстық құқық бұзушылықты жасағаны үшін кінәлі деп танылып, 10 жылға бас бостандығынан айыру жазасы кесілсін. Сондай-ақ, педагогикалық және кәмелетке толмағандармен жұмыс істеуге байланысты қызметпен айналысу құқығынан 2 жылға айырылсын», — деп үкімді судья Нұрлан Айтбаев оқыды.

 Бұған дейін осы қызды зорлағаны үшін студенттің досы да 10 жылға сотталған болатын. Қазір тағы бір танысына қатысты тергеу амалдары жүріп жатыр.