Жазылу
Бүгін, 14:00
Павлодарда іс жүзінде жоқ зауытқа 2,4 млрд теңге бөлінген
Жоғары аудиторлық палата төрағасы Әлихан Смайылов Павлодар облысында шын мәнінде жұмыс істемейтін зауытқа 2,4 млрд теңге бөлінгенін мәлімдеді.
Оның айтуынша, кәсіпкерлерді қолдау шаралары аясындағы қаржыландыру көлемі асыра көрсетілген. Кейбір жобалар бойынша қомақты қаражат игерілмей қалған. Мәселен, бір жобаның өзінде 20 млрд теңге пайдаланылмаған.
Смайылов мемлекеттік қолдау алушыларға нақты қарсы міндеттемелер жүктеу қажет екенін атап өтті. Егер бұл талаптар орындалмаса, бөлінген қаражат бюджетке қайтарылуы тиіс.
