Петропавлдықтар Ботай мәдениеті туралы мультфильм түсірді

Мульфильм он эпизодтан тұрады, сюжеті Қазақстан тарихының әр кезеңдеріне негізделген. Жоба авторы Евгений Зиновьев стоматолог болғанымен, өз кәсібін басқа мамандықтан тапқан секілді.

Жоба - Ботайдың құпиясы туралы анимациялық фильм. Авторлар оны жасауп шығаруда төрт жыл жұмыс істеді. Идея пайда болғаннан кейін, ұзақ ұйқысыз түндер тынымсыз еңбекпен жалғасты. «Бұл азап пен үмітке толы уақыт болды» дейді сценарист Ярослав Бережной. Сюжет Қазақстан тарихының әртүрлі кезеңдерін қозғайды.

Ярослав Бережной, сценарист:

– Біздің балаларымыз, тіпті біздің замандастарымыз да тарихты түсінуі үшін оны қазіргі тілмен түсіндіру керектігін білесіздер. Сондықтан екі басты кейіпкер ретінде мектеп оқушыларын таңдадық, олар шамамен 12-13 жаста, олар өте ақылды әрі ізденімпаз. Олардың тәжірибесі арқылы біз тарих пен дәстүрді қазіргі ұрпаққа түсінікті етіп жеткіздік деп ойлаймыз.

Кейіпкерлердің дизайнын жас суретші Виктория Немшон жасаған, 2D анимациямен әуесқой мультипликатор Евгений Зиновьев айналысады. Білімі бойынша техник-стоматолог, мамандығы бойынша бір ай ғана жұмыс істеген көрінеді. Содан кейін мультфильмдер жасауға қызығушылық танытып, әртүрлі шетелдік компаниялармен жұмыс істеп көрген.

Евгений Зиновьев, мультипликатор:

— Біз, 2D, 3D аудармасы, кадрлық анимациядағы әртүрлі бағыттағы жас мультипликаторлар, өз жобаларын жүзеге асыруға мүмкіндігіміз бар, оны жалпы орындадық. «Ботайдан» бөлек, сәуір айында пилоттыққа қатысуға өтініш білдіргіміз келетін басқа да жобаларымыз бар. Біз балаларға қазақ тіліндегі мультфильмдер топтамасының көбірек болғанын қалаймыз.

Балаларға арналған мемлекеттік тілдегі контент соншалықты көп емес — мультипликаторлар сондықтан кішкентай көрермендер үшін танымдық сипаттағы анимациялық рубрика құруды ұйғарды.