Полиция ORDA сайтының бас редакторы Гүлнар Бажкенованы тергеп жатыр

Ведомство хабарлауынша, бірнеше рет және қасақана жалған ақпарат тарату деректері бойынша қылмыстық іс қозғалған. Тергеу барысында арызданушылардың уәждері жан-жақты тексеріліп жатыр. Алдын ала мәліметке сәйкес, 2024 жылы жарияланған материалдардың бірінде құқық қорғау органының қызметкері пара алу кезінде ұсталды деген ақпарат шындыққа сәйкес келмейді.

«Азаматша Б.-ның тұрғылықты жері мен жұмыс орнында тергеу іс-шаралары жүргізілуде. Жалған ақпаратты дайындау және жариялау жағдайларын анықтау, сондай-ақ оның қайдан алынғанын тексеру мақсатында электрондық құрылғылар мен материалдар тәркіленуде», - делінген полиция хабарламасында.

Еске сала кетейік, 4 қыркүйекте Orda.kz және Гүлнара Бажкенова ҰҚК-нің жоғары лауазымды қызметкерлері, вице-премьер – сыртқы істер министрі Мұрат Нұртілеу мен кәсіпкер Ғаджи Гаджиев ұсталды деп хабарлаған болатын.

Бұл ақпаратты ресми органдар толықтай жоққа шығарды. 5 қыркүйекте СІМ Мұрат Нұртілеудің жаңа фотосуреттерін жариялап, оның ұсталғаны туралы қауесетті түпкілікті жоққа шығарды. Бірақ кейін Орда басылымы мұның ескі сурет екенін алға тартты.