Польшада Қазақстан азаматы қаза тапты

 Бұл туралы ҚазТАГ агенттігі жазды.

Қазақстан Республикасының Сыртқы істер министрлігі Польша аумағында Қазақстан азаматы Екатерина Шилованың қаза болғаны туралы ақпаратты растады.

«Қазақстан Республикасының Сыртқы істер министрлігі Польша аумағында Қазақстан азаматшасы Екатерина Шилованың қаза тапқаны туралы ақпаратты растайды. Марқұмның туған-туыстары мен жақындарына қайғырып көңіл айтамыз. Польшадағы Қазақстан елшілігі марқұмның туыстарымен, сондай-ақ поляк тарапындағы құзырлы органдармен байланыста. Консулдық-құқықтық мәселелер бойынша, соның ішінде мәйітті отанына жеткізу мәселесінде қажетті көмек көрсетіліп жатыр», – деп хабарлады ведомствоның баспасөз қызметі.

Министрлік бұл мәселе ведомствоның бақылауында екенін де атап өтті.

Бұған дейін «Варшава здесь» ресурсы Қазақстан азаматы жоғалып кеткені туралы ақпарат таратқан.

Онда Екатерина Шилова (1982 жылы туған) Варшавада жоғалып кеткені айтылған. Туыстарының мәліметінше, ол 18 ақпан күні сағат 23:00 шамасында Варшавадан Астанаға ұшуы тиіс болған, алайда ұшаққа отырмаған.

Оның әпкесінің айтуынша, сол күні Екатеринадан күмән тудыратын хабарлама келген. Хабарламада оның Германиядағы жақсы жұмысқа шақырылғаны, сол себепті рейске билетін қайтарып бергені және кейін босай салысымен байланысқа шығатыны жазылған.

Алайда туыстары бұл хабарламаны Екатеринаның өзі жазбаған болуы мүмкін деп күдіктенеді. Қазіргі уақытта оның телефоны өшірулі болған.