Португалия көшелерінде қызыл шарап өзендей ақты (видео)

Португалияның Анадия қаласындағы Destilaria Levira зауытында шарап құйылған екі цистерна жарылып, көшелерді басып қалды, деп хабарлайды Jornal de Notícias.

Басылымның хабарлауынша, оқиғадан ешкім зардап шекпеген, цистернаның жарылу себептері әлі анықталған жоқ.

 Куәгерлер әлеуметтік желіде бөліскен кадрларда көше бойымен ағып жатқан қызыл шарап өзенін көруге болады.

Қала билігі алкогольдік сусындардың өзенге түсуіне жол бермедік, сол арқылы экологиялық апаттың алдын алдық деп отыр. 

Компания төтенше жағдай салдарынан жергілікті тұрғындар шеккен шығынның орнын толтыруға дайын екендіктерін айтты.