Жазылу
Президент Тоқаев бірнеше елдегі Қазақстан елшілерін қызметінен босатты
Қазақстан Президенті Қасым-Жомарт Тоқаев бірқатар мемлекеттердегі еліміздің төтенше және өкілетті елшілерін қызметінен босату туралы Жарлыққа қол қойды.
Бұл туралы Ақордаға сілтеме жасап хабарланды.
Мемлекет басшысының Жарлығымен:
-
Мәрғұлан Баймұхан Қазақстан Республикасының Бельгия Корольдігіндегі төтенше және өкілетті елшісі, Еуропалық одақтағы ҚР өкілдігінің басшысы, сондай-ақ НАТО жанындағы өкілдіктің жетекшісі, әрі Люксембургтегі елші қызметтерінен босатылды.
-
Азамат Бердібай Кувейт Мемлекетіндегі Қазақстан Республикасының төтенше және өкілетті елшісі қызметінен босатылды.
-
Арман Ысқақов Тайланд Корольдігіндегі Қазақстан елшісі қызметінен босатылып, Қазақстан Республикасы Сыртқы істер министрінің орынбасары қызметіне тағайындалды.
Сонымен қатар, ҚР Президентінің Жарлығымен:
-
Бұған дейін Сыртқы істер министрінің орынбасары қызметін атқарған Роман Василенко Бельгия Корольдігіндегі Қазақстан Республикасының төтенше және өкілетті елшісі болып, сондай-ақ Еуропалық одақ пен НАТО жанындағы өкілдіктердің басшысы қызметтеріне тағайындалды.
Мұндай кадрлық ауыс-түйістер сыртқы саясаттағы жаңғыру мен халықаралық бағыттағы жаңа басымдықтармен байланысты болуы мүмкін.
