Президент жаңадан тағайындалған министрге балалар мен жасөспірімдер спортын дамытуды тапсырды

Қасым-Жомарт Тоқаев жаңадан тағайындалған министрге бұқаралық және балалар мен жасөспірімдер спортын дамыту, спорт саласының барлық деңгейінде бірыңғай басқару вертикалін қалыптастыру, бапкерлер құрамын күшейту, саланы ғылыммен ұштастыру бағытында міндет жүктеді. Сонымен қатар Президент министрден биыл маусым айында өткен Туризмді дамыту жөніндегі кеңесте берілген тапсырмалары бойынша нәтижелі жұмыс күтетінін айтты, делінген Ақорда хабарламасында.

Айта кетейік, 2 қыркүйек күні Президент Жарлығымен туризм және спорт министрі болып Ербол Мырзабосынов тағайындалды. 

Ол тағайындалғанға дейін 2023 жылдың ақпан айынан бері Спорт және дене шынықтыру комитетін басқарған болатын. Сондай-ақ қазақ күресінен халықаралық дәрежедегі спорт шебері, Қазақстанның еңбек сіңірген жаттықтырушысы.