Путин Әлиевке Ақтаудағы ұшақ апатына қатысты екінші рет қоңырау шалды

29 желтоқсанда Ресей президенті Владимир Путин Әзербайжан президенті Ильхам Әлиевпен тағы да телефон арқылы сөйлескен. Екі мемлекет басшылары Ақтаудағы Әзербайжан ұшағының апатқа ұшырауына қатысты сөйлескен. Бұл туралы «Интерфакс» агенттігіне Кремльдің баспасөз хатшысы Дмитрий Песков хабарлаған.

Путиннің баспасөз хатшысының мәлімдемесі Ильхам Әлиевтің Әзірбайжан телеарнасына берген сұхбаты аясында болған. Онда Әлиев ұшақ апатынан кейінгі алғашқы күндері «Ресейден өтіріктен басқа ештеңе естімегенін» айтқан. Сондай-ақ ол Мәскеуден Әзербайжан ұшағының апатқа ұшырауын мойындап, кінәлілерді жазалауды және өтемақы төлеуді талап еткен.

Әзербайжан президенті Ильхам Әлиевтің баспасөз қызметі де Путиннің үндеуі туралы хабарлады. Екі мемлекет басшыларының Ақтауда Әзербайжан әуе жолдарының ұшағының апатқа ұшырауына байланысты түрлі мәселелерді талқылағаны айтылған.

Бұдан бір күн бұрын, 28 желтоқсанда Путин мен Әлиев телефон арқылы сөйлескен еді.

Кремльдің хабарлауынша, Путин Әлиевтен "Ресей әуе кеңістігінде болған қайғылы оқиға" үшін кешірім сұраған.