Путин Астанада саммиттен тыс келіссөздер өткізуді жоспарлап отыр

«3-4 шілдеде Владимир Путин Шанхай ынтымақтастық ұйымына (ШЫҰ) мүше-мемлекеттер басшылары кеңесінің отырысына қатысу үшін Қазақстанға барады. Сондай-ақ Астанада Ресей Федерациясының Президенті саммитке қатысушы мемлекет басшыларымен бірқатар маңызды екіжақты келіссөздер жүргізуді жоспарлап отыр», - делінген сейсенбідегі хабарламада.

Бұл ретте Ресей президенті Түркия басшысы Режеп Ердоғанмен Украинадағы қақтығысты реттеу мәселесін талқылауды жоспарлаған.

3-4 шілдеде ШЫҰ-ға мүше елдердің басшылары ұйым аясындағы көп қырлы ынтымақтастықты одан әрі тереңдету және оның қызметін жетілдірудің жай-күйі мен перспективаларын талқылайды. Ағымдағы халықаралық және өңірлік мәселелер бойынша пікір алмасу болады.

Кездесу қорытындысы бойынша Астана декларациясына және басқа да бірлескен құжаттарға қол қойылатыны айтылған. 

Айта кетейік, 2 шілде күні Қазақстанға ҚХР Төрағасы Си Цзиньпин келген болатын.