Путин мен Ким Чен Ын «Восточный» ғарыш айлағында кездесті

Сәрсенбі, 13 қыркүйекте Ресей президенті Владимир Путин Амур облысындағы «Восточный» ғарыш айлағында Солтүстік Корея басшысы Ким Чен Ынмен кездесті.

«Интерфакс» агенттігінің хабарлауынша, Солтүстік Корея басшысы ғарыш айлағының теміржол вокзалына пойызбен келген.

Путин мен Ким Чен Ынның кездесу салтанаты қазіргі уақытта жаңа Ангара зымыраны құрастырылып жатқан зымырандарды құрастыру және сынау пунктінде өтті.

Бұған дейін де екі ел басшысы 2019 жылы Ким Чен Ын Владивостокқа пойызбен келген кезде кездескен.

АҚШ шенеуніктерінің айтуынша, Солтүстік Корея басшысы Путинмен Мәскеуге қару-жарақ жеткізу мүмкіндігін талқылайды.

Солтүстік Корея басшысымен бірге әскери саланың жоғары лауазымды өкілдері, дипломаттар мен әскери жетекшілер бар.