Путин жақында Ресейдің жаңа қаруын көрсететінін мәлімдеді

Путиннің айтуынша, Ресей қорғаныс саласындағы бірқатар заманауи жобаларын аяқтап қалды:

 «Сынақтар сәтті жүріп жатыр, жақында бәрін көресіздер», – деді ол.

Бұл мәлімдеме әлемдік БАҚ назарын өзіне аударды, себебі соңғы айларда Ресейдің гипердыбыстық және ядролық қару жүйелерін жетілдіріп жатқаны жиі талқыланып келеді. Сарапшылар мұны Мәскеудің АҚШ және НАТО-мен стратегиялық тепе-теңдік орнатуға ұмтылысы деп бағалайды.

Путин сонымен қатар кейбір елдердің ядролық сынақтар өткізуге дайындалып жатқаны туралы барлау деректері бар екенін айтты:

«Біз мұндай әрекеттерге мұқият назар салып отырмыз», – деді Ресей президенті.

Бұл мәлімдеме ядролық қаруды шектеу жөніндегі халықаралық келісімдердің болашағына қатысты алаңдаушылық туғызды.

Журналистердің сұрағына жауап берген Путин Ресейдің АҚШ-пен стратегиялық тұрақтылық пен ядролық тежеу мәселелерінде келіссөздерге дайын екенін жеткізді.

Сонымен бірге Путин Украинаға америкалық Tomahawk ракеталарының берілуі туралы қауесеттерді "мақтану" деп атады.

Владимир Путин 8 қазанда Тәжікстанға келіп, ел президенті Эмомали Рахмонмен және Орталық Азия елдерінің басшыларымен кездескен. Сондай-ақ ол Азербайжан президенті Ильхам Әлиевпен жеке келіссөздер өткізді.