Қарағанды облысында кәсіпкер ұлттық өнімді түрлендірді

Ащысы, тұздыдысы, тәттісі бар — фермер барлығы 17 түрлі құрт өнімдерін ұсынады.

Қарағандылық фермер әрі кәсіпкер Сламбек Қинаят Алтай тауында өзі жинаған тастарды бір тәулікке сүтке салып қояды екен. Фермердің айтуынша, бұл — тибет технологиясы болып табылады. Біздің ата-бабаларымыз оларды сүтті дезинфекциялайтын және пайдалы минералдармен байытатын табиғи сүзгі ретінде пайдаланған. Сламбек Қинаят құртты қаймақсыз сүттен жасап, дәм беру үшін түрлі жемістер мен емдік шөптерді қосады. Сламбек Қинаят, фермер:

– Бұл шөпті «мың бір дәрі» деп атайды. Мен оны құртқа өте аз мөлшерде қосамын, өйткені өсімдіктің емдік қасиеттері бар.

Шикізат та өзінің көрінеді. Күніне 500 жүз литр сүттен фермер 50-60 келі құрт жасайды. Ежігей — солардың ішіндегі ең пайдалысының бірі дейді ол. Ол ақуызға өте бай, айран мен ірімшіктен жасалған, бірақ дәмі мен түсіне теңдесі жоқ.

Гүзел Беспаева, Қарқаралы қаласының тұрғыны:-

Біз тәтті құртты жақсы көреміз. Мұнда бал қосылған ерекше құрт бар, біз оны бүкіл отбасымызбен жақсы көреміз, балалар да, мен де, — дейді.

Сламбек Қинаят басты ерекшелігі ұлттық сүт өнімі болатын шипажай салуды жоспарлап отырған көрінеді. Фермер өзінің осы идеясы арқылы аймаққа келетін туристер ағынын арттыратынына сенімді.

Жалпы, Қарқаралы өңіріндегі сүт өңдеу цехы әлемдік нарыққа шығатын сүт өнімдерін шығарады. Кәсіпкердің айтуынша, Біріккен Араб Әмірліктерінен ол жерге жергілікті құртты жеткізу туралы, ал Германия арнайы технология бойынша өндірілетін майды да сатып алуға ұсыныс түскен.

Мұнда сүт өнімдерінің 11 түрі шығарылады. Кәсіпорын тәулігіне 2 тонна шикізатты өңдеуге қауқарлы. Алайда қыста техника толық қуатында жұмыс істемейді.

Сламбек Қинаятұлы, кәсіпкер:

– Өңірде бізге қажетті майлылығы – 4 пайыздан кем емес сүт жетіспейді. Біз маусымдық жұмыс жасаймыз. Біз бизнесті жыл бойы қажетті майлы сүтті алатындай етіп ұйымдастырып жатырмыз. Сонда шеберхана бос тұрмайды. Өйткені, біздің өнімге сұраныс өте жоғары, — дейді.