Қарағанды облысында жастарға арналған арнайы телеграм-бот жұмыс істейді

Ол жастарға жұмысқа орналасу, вакцинация, волонтерлік және дебаттық қозғалыстар, ісін жаңа бастаған кәсіпкерлерді қолдау және т. б. туралы өзекті сұрақтарға жауап алуға көмектеседі.

Ай сайын бот жаңа ақпаратпен толықтырылады.

– Жастар үшін ақпараттың негізгі көзі әлеуметтік желілер болып табылатыны туралы нақты түсінік бар, – дейді жастар саясаты жөніндегі басқарма басшысы Біржан Әлімжанов. – Көбінесе олардың функционалдығы жарияланымдармен және түсініктемелерде хат алмасумен шектеледі. Жастарға түрлі бағыттар бойынша ақпараттың қолжетімділігін қамтамасыз ету үшін өткен жылдың көктемінде бот құрылды. Оның көптеген мүмкіндіктері бар. Олардың қатарында облыс бойынша жастар ресурстық орталықтарының байланыс деректерін ұсыну қызметі бар.

Пайдаланушылар бастапқы менюден оларды қызықтырған бөлімге өтіп, толығырақ ақпарат ала алады. Қазіргі уақытта бот волонтерлік қозғалысқа қосылуға мүмкіндік береді. Сіз өзіңіздің ерікті ұйымыңызды тіркей аласыз немесе бұрыннан бар ұйымға қосыла аласыз.

Осы жерде қандай да бір іс-шараны өткізу үшін коворкинг-орталыққа өтінім қалдыруға болады

Басқарманың барлық ірі жобалары туралы ақпарат та жалпыға ортақ ұсынылып, онымен танысу үшін ыңғайлы орналастырылған. Олардың арасында Қарағанды облысы әкімінің гранттары да бар.

Біржан Әлімжановтың айтуынша, боттың негізгі қызметі жұмысқа орналастыру туралы бөлім болып табылады. «Жастар практикасы», «Дипломмен – ауылға!», «Алғашқы жұмыс орны», «Жасыл ел», "Қоғамдық жұмыстар" жастарға уақытша да, тұрақты да жұмыс табуға мүмкіндік береді.

Боттың басты артықшылығы – оны пайдалану оңай, әрі мобильді және жұмыс үстелінің барлық платформаларында қол жетімді.

Сондай-ақ, Telegram-да JasProKrg_chat құрылды, онда сіз сұрақ қойып, мамандардың толық жауабын ала аласыз.