Қарағандыда жылдың үздік тауары анықталады

Көрмені  келушілер кәсіпкерлердің  өнімдерін тамашалап қана қоймай,  қалаған затын  сатып алу мүмкіндігіне ие.  Сондай-ақ,  бұл күні  көрме барысында  «Қазақстанның үздік тауары-2023» өңірлік байқауының қорытындысы шығарылады.

Аймақ кәсіпкерлері «Өндірістік мақсаттағы үздік тауарлар», «Халық үшін үздік тауарлар» және  «Үздік азық-түлік тауарлары» номинациялары бойынша сайысқа  түседі.

Бұдан бөлек, қатысушылар Қарағанды облысы  әкімі тағайындаған  арнайы сыйлыққа иелену үшін бақ  сынайды.

Аталған байқаудың салмағы зор. Дәл осы сайыста  республикалық байқауға облыстың намысын қорғауға баратын тоғыз жеңімпаз  айқындалады. Осы шара аясында, «Бір ауыл-бір өнім» жобасына қатысушылардың да көрмесі ел назарына ұсынылатын болады.

Айта кеткен жөн, бұл жоба  өңірлік кәсіпкерлер палатасы үйлестіретін  «Мен кәсіпкер» бағдарламасының құрамдас бөлігі.

Айтбала Сүлейменқызы Қарағанды облысы