Қазақстанда Kia K8 седаны шығады

K8 моделі бренд топтамасына 2021 жылы қосылған. Ол Cadenza атауымен де танымал төрт есікті K7-нің орнын басты. Hyundai Grandeur-мен бір платформаны бөлісетін машина 177 ат күшіне ие 1.6 литрлік турбмотормен және 198 ат күшін беретін 2.5 литрлік атмосфералы агрегатпен немесе бойында 300 арғымақтың күші бар 3.5 литрлік V6-мен жүреді. Өз отанында K8-дің гибрид және газбен жүретін түрі сатылады.

Біздің елде шығатын модельге тек 3.5 литрлік G6DT-5 моторы (300 ат күші мен 359 Нм) орнатылады. Автомобиль 8 сатылы автоматпен жұмыс істейді. 

Қазақстан K8 құрастыратын үшінші ел екенін атап өткен жөн. Оңтүстік Кореядан бөлек, автомобиль былтырдан бері Өзбекстандағы зауыттан шығып жатыр.

Kia K8-ді автосалондарға қашан жөнелтетіні белгісіз. Марка өкілдері ресми мәлімдеме жасаған жоқ, дегенмен, бұған бірнеше ай кететіні анық.