«Қуатты өңірлер» жобасы бойынша 3 мың пәтер салынды

Былтырғы жылдың басынан бұл мақсаттарға республикалық бюджеттен 21,6 млрд теңге қарастырылған.

Сатып алу құқығынсыз жалға берілетін тұрғын үй бес жыл мерзімге беріледі. Осы аралықта жастардың бастапқы жарнаға ақша жинауға мүмкіндігі болады. Өз кезегінде босаған баспана келесі өтініш берушілерге беріледі. Мәселен, «Нұрлы жер» мемлекеттік бағдарламасы аясында 2019 жылдан бері еліміздің үш мегаполисінде жұмыс істейтін жастар үшін 7 мыңға жуық жалдамалы пәтер салынды.

Сондай-ақ келесі тұрғын үй бағдарламалары іске қосылды:

• Астана қаласындағы «Елорда жастары»;
• Алматы қаласындағы «Алматы жастары»;
• Қарағанды ​​облысындағы «Қарағанды ​​жастары»;
• Жамбыл облысындағы «Әулие ата жастары»;
• Батыс Қазақстан облысындағы «Орал жастары»;
• Қостанай облысындағы «Қостанай жастары»;
• Алматы облысындағы «Алатау жастары»;
• Атырау облысындағы «Атырау жастары».

Сонымен қатар Павлодар облысында «Ертіс жастары», Абай ауданында «Абай жастары», Ақтөбе облысында «Ақтөбе жастары» өңірлік бағдарламалары іске қосылып жатыр.

Өңірлік бағдарламалар жергілікті бюджеттен қаржыландыру арқылы жұмыс істейтін жастарды баспанамен қамтамасыз етуге және 0-ден 10%-ға дейінгі бастапқы жарнамен 25 жылға дейінгі мерзімге жылдық 5 пайыздық жеңілдікпен несие беруге бағытталған.