Құқық қорғау органдары банк мәліметтер базасын қарауға мүмкіндік алуы мүмкін

«Ашық НҚА» сайтында Ішкі істер министрлігі тұжырымдамасының жобасы жарияланды, — деп хабарлайды Жас Алаш.

Норма қоғаммен серіктестікте қоғамдық қауіпсіздікті қамтамасыз етудің 2024-2028 жылдарға арналған тұжырымдамасын іске асыру жөніндегі іс-шаралар жоспарына енгізілген.

"Қылмыстық істерді тергеп-тексеру аясында заңсыз банктік операцияларға жедел ден қою үшін екінші деңгейлі банктердің дерекқорларын құқық қорғау және арнайы органдардың ақпарат алмасу жүйесімен интеграциялау жоспарланып отыр. Аяқтау мерзімі — 2024 жылдың екінші жартысы", — делінген хабарламада.

Жауапты орындаушылар ретінде тұжырымдама мақұлданған жағдайда Бас прокуратура, Ұлттық банк, Қаржы нарығын реттеу және дамыту агенттігі және Цифрлық даму және аэроғарыш өнеркәсібі министрлігі көрсетіледі.