Ресей «Дождь» газетінің бас редакторы мен журналистерін «террорист» деп жариялады

Енді олардың барлық ресейлік банктердегі есепшоттарын бұғаттап, ай сайынғы шығындарын 10 000 рубльмен шектейді. «Интерфакс» хабарлағандай, үш журналист те тізімде көрсетілген, бұл әдетте «терроризм бабы» бойынша іс қозғалғанын көрсетеді.

Бір күн бұрын Тихон Дзядконың сырттай қамауға алынғаны хабарланған болатын. Мәскеудің Головинск соты тергеушілердің өтініші бойынша оны екі айға сырттай қамау туралы шешім қабылдады. Оған «шетел агенті» ретіндегі міндеттерін орындаудан жалтарып, Ресей Қарулы күштері туралы «жалған хабар» таратқаны үшін айып тағылуда. Журналист іздеп жатыр.

Шілде айында Ресей Тергеу комитеті «шетел агенттері» тізіміне енгізілген Екатерина Котрикадзе, Валерия Ратникова және Тихон Дзядкоға қатысты қылмыстық іс қозғады. «Дождь» журналистері Украинаға қарсы соғысын жалғастырып жатқан Ресей армиясы туралы «жалған хабар» және «шетел агенті ретіндегі міндеттерін орындаудан жалтарды» деп айыпталған. Іс мессенджерлер біріндегі жазбаға байланысты ашылған.