Ресей Қорғаныс министрлігі Курск аэродромына ATACMS-пен соққы берілгенін растады

 Қорғаныс министрлігінің сейсенбі, қарашаның 26-сы күні жарияланған мәлімдемесіне сәйкес, Украина Қарулы Күштері (ҰҚК) үш күн ішінде Батыстың алыс қашықтықтағы қаруларымен Курск аймағындағы нысандарға екі рет соққы берген.

"25 қарашада Курск-Восточный аэродромына сегіз ATACMS  зымыранымен шабуыл жасалған, жетеуі атып түсірілген, біреуі нысанаға тиді. Салдарынан екі әскери қызметкер жеңіл жарақат алып, инфрақұрылым нысандарына аздап зақым келген, - деп хабарлады РФ Қорғаныс министрлігі.

Бұған дейін 23 қарашада Украина қарулы күштері Курск қаласынан солтүстік-батысқа қарай 37 шақырым жерде орналасқан Лотаревка ауданындағы С-400 зениттік-зымырандық дивизиясының позициясына бес ATACMS зымыранымен шабуыл жасаған. Үшеуін «Панцир» жойды, екеуі нысанаға жетті, радиолокациялық станция зақымданды, жеке құрам арасында қаза тапқандар бар.

"Жауап шаралары дайындалуда", - деп хабарлады Ресей қорғаныс министрлігі.

Reuters: Путин елеулі аймақтық жеңілдіктерге жол бермейді

Ресей президенті Владимир Путин АҚШ-тағы президенттік сайлауда жеңіске жеткен Дональд Трамппен Украинадағы атысты тоқтату келісімін талқылауға дайын, бірақ маңызды аумақтық жеңілдіктерге барғысы келмейді және Киев НАТО-дағы амбицияларынан бас тартуы керек деп санайды. Бұл туралы 20 қарашада Кремльдегі талқылаулардан хабардар бес дереккөзге сілтеме жасаған Reuters агенттігі хабарлады.

Қазіргі және бұрынғы ресейлік шенеуніктердің айтуынша, Кремль жалпы алғанда майдандағы соғысты тоқтатуға келісе алады.