Жазылу
17:52, 10 Сәуір 2024
Рим Папасы қазақстандықтар үшін дұға ететінін айтты
Рим Папасы Франциск су тасқынынан зардап шеккен Қазақстан тұрғындарына көңіл айтты, деп хабарлайды Vatican News.
«Рим Папасы Франциск қардың ерте еруі салдарынан соңғы 70 жылдағы ең ауыр су тасқынынан зардап шеккен Қазақстан халқына көңіл айтты», - делінген сәрсенбіде тараған хабарламада.
Атап өткендей, су тасқыны салдарынан 90 мыңға жуық тұрғын эвакуациялауға мәжбүр болды.
«Біз осы табиғи апаттың салдарынан зардап шеккендер үшін дұға етеміз», - деді Рим Папасы.
Фото: EPA\Vostock-photo
