Сауд Арабиясына жасалған соққыдан екі адам қаза тауып, 12 адам жараланды

 Бұл туралы Anadolu Ajansi хабарлады.

Сауд Арабиясының ресми ақпарат агенттігі SPA-ның мәліметінше, елдің Азаматтық қорғаныс қызметіне сүйенген дерек бойынша, соққы Эль-Хардж провинциясының орталық бөлігіндегі тұрғын үй кешеніне тиген.

Қаза тапқандар — Үндістан мен Бангладеш азаматтары.

Мәлімдемеде тұрғын аудандарға жасалған мұндай шабуылдардың халықаралық гуманитарлық құқыққа қайшы келетіні атап өтілген.

Соққы жасалған оқ-дәрінің немесе қарудың нақты түрі туралы ақпарат әзірге жарияланған жоқ.