Сауд Арабиясында Рамзан Қадыровтың балалары қалып қоюы мүмкін деген ақпарат тарады

 Airbus ACJ319 (борт нөмірі RA-73417, рейс RSJ9617) 4 наурыз, сәрсенбі күні Медина әуежайына қонған. Қазір бұл жерден Таяу Шығыс елдеріндегі қақтығыс салдарынан Сауд Арабиясында қалып қойған шетелдік азаматтар эвакуацияланып жатыр.

Ұшақ Мединаға UTC уақыты бойынша 8:42-де (Мәскеу уақытымен 11:42) қонған. Ұшу барысында біраз уақыт транспондерлері өшірілгендіктен, қай жерден ұшып шыққаны белгісіз. Алайда қону кезінде маяктар қайта қосылған. Flightradar деректеріне сәйкес, соңғы бір айда бұл борт ешқайда ұшпаған.

Аталған ұшақты кемінде үш адам пайдаланады: Рамзан Қадыров және оның ұлдары — Адам мен Эли. Мәліметке қарағанда, Адам осы ұшақпен 2023 жылдың 31 желтоқсанында БАӘ-ге ұшып барып, екі күннен кейін кері оралған. Ал Эли 2023 жылдың маусымында Евгений Пригожин бүлігі басылғаннан кейін осы бортпен Ресейден кеткен.

Сондай-ақ Адам мен Элидің Сауд Арабиясына демалысқа, діни және спорттық шараларға жиі қатынайтыны айтылған.