Сәуле Әбілдаханқызының Қытайдан келген қазақтарға қатысты айтқан сөзі көпшілік наразылығын туғызды

Тасмағамбетовты қорғап сөйлеймін деп, ол Қытайдан келген қазақтарға тіл тигізіп, оларды мемлекеттік саясатқа араластырмау керек деген пікір айтты.

Журналист бұл азаматтарды "өте қауіпті", "екіжүзді", "сатқын", "қытай мектебінде оқығандар" деп сипаттап, олардың мемлекеттік саясатқа араласуға тіпті "моральдық құқығы жоқ" екенін ашық жазды. Әлеуметтік желідегі пікірлердің басым көпшілігі Сәуле Әбілдаханқызының бұл сөзіне наразылық білдіріп жатыр. Оны ұлтты іштей бөлу, «оралман» ұғымын кемсіту, этникалық кемсітушілікке жол беру деп бағалап отырғандар аз емес.

Сәуле Әбілдаханқызы Тасмағамбетов Алматы әкімі болып тұрған кезінде мемлекеттен үш бөлмелі пәтер алған. Бұл – оның Тасмағамбетовке эмоционалды және материалдық байланысы барын көрсететін дерек.

todayinfo сайты "Сәуле Әбілдаханқызы Тасмағамбетов Алматы қаласының әкімі болып тұрғанда мемлекеттен өзге де журналистер секілді үш бөлмелі пәтер алған. Ол кезде журналист Қазақстан ұлттық телеарнасында танымал «Ақжүніс» бағдарламасын жүргізген еді" деп жазды.

Белгілі заңгер Асылбек Қараевтың айтуынша, заң тұрғысынан алғанда, бұл пікірлер Қазақстан Республикасының "Әлеуметтік, ұлттық, рулық, нәсілдік, тектік немесе діни араздықты қоздыру" туралы 174-бабы аясында қаралуы мүмкін. Себебі "өте қауіпті", "сатқын", "екіжүзді" деген сөздер – жекелеген адамдарға емес, тұтас  топқа бағытталған.