Сегіз өңір қызыл аймаққа енді

Денсаулық сақтау министрлігі елдегі "қызыл", «сары» және «жасыл» аймақтар туралы жаңартылған ақпарат жариялады. 

"Қызыл" аймақта бұрынғысынша Нұр-Сұлтан, Алматы, Ақмола, Атырау, Батыс Қазақстан, Қостанай, Павлодар, Солтүстік Қазақстан облыстары орналасқан.

«Сары» аймақта — Қарағанды облысы.

Қалған барлық өңір «жасыл» аймақта.

COVID-19 бойынша эпидемиологиялық жағдайды бағалау матрицасына сәйкес, Қазақстан да "қызыл" аймақта орналасқан.

Еске салайық, кейінгі тәулікте 1397 адам коронавирус жұқтырғаны анықталды.