Шавкат Рахмоновтың бұрынғы жұбайына сот үкімі шықты

Сот барысында айыпталушы кінәсін мойындамаған. Ал жәбірленуші тарап өкілдері оны қатаң жазаламауды сұрады.

Сот Рахмонованы кінәлі деп танып, 5 жылға бас бостандығынан айыру және 7 жылға көлік жүргізу құқығынан айыру жазасын кесті. Алайда оның төрт кішкентай баласы бар екенін ескеріп, жаза өтеуді 5 жылға кейінге қалдырды. Сондықтан әзірге ол түрмеге жіберілмейді.

Еске салайық, оқиға 2025 жылдың 27 шілдесінде таңертең Алматы – Екатеринбург тасжолының Мойынқұм ауданындағы бөлігінде болған. Тергеу мәліметінше, Рахмонова тізгіндеген Toyota Land Cruiser көлігі қарсы жолаққа шығып кетіп, аударылған. Салдарынан көлікте болған оның сіңлісі мен құрбысы оқиға орнында көз жұмған.