Шымбұлақ Сочидегі форумда «Үздік тау шаңғысы курорты» атағына ие болды

«Шымбұлақ» таулы курорты Сочидегі «Красная Поляна» курортында өтетін туристік аумақтар форумында SKI BUSINESS AWARDS 2023 нұсқасы бойынша «Үздік тау шаңғысы курорты» атағына ие болды, деп хабарлайды Zhasalash.kz.

Аталған форумға 1000-нан астам инвестор, бизнес өкілдері, мейрамханалардың және федералдық және өңірлік деңгейдегі билік органдарының өкілдері қатысып, ТМД елдерінің шетелдік әріптестерімен инвестициялық тартымды жобаларда туристік инфрақұрылымды құру бойынша жобаларды іске қосу мен іске асыру стратегиясы талқыланды.

«Өткен форум өте жарқын әсер қалдырды. Біздің тау курортының ТМД-ның 200 курорты арасында беделді «Үздік тау курорты» марапатын алуы - бұл құрметті атақтан гөрі артық. Бұл біздің еңбегіміз бен іске адалдығымыздың әлемдік деңгейде бағаланғанының дәлелі. Бұл марапат «Шымбұлақ» мәртебесін арттырып қана қоймай, Қазақстанның тау туризмі саласындағы талассыз әлеуетіне баса назар аударады. Ол бүкіл біздің команда үшін Қазақстанның әлемдік туристік аренадағы позициясын нығайта отырып, жұмысты жалғастыруға ынталандырады. Біз Алматыда және жалпы Қазақстанда туризмді ілгерілете отырып, жауапкершілік пен мақтанышты сезінеміз», - деп атап өтті «Шымбұлақ» ТК бас директоры Абдрахманов Ринат.

Бүгінде «Шымбұлақ» таулы курорты әлемдегі ең биік тау шаңғысы трассасы ретінде Гиннесс рекордын орнатып, жыл сайын миллиондаған туристерді қабылдайтын, дамыған инфрақұрылымы бар Алматы қаласындағы ең көрікті туристтік аймақ.

Алматы қаласы әкімдігінің туризм басқармасының ресми ақпаратына сәйкес 2023 жылдың үшінші тоқсанында өңірге бір жарым миллионнан астам турист келген.