Шымкентте жаңа туған сәбидің денесі табылды

Қоғам белсенділерінің айтуынша, мұндай жағдайлар жылдан-жылға қайталанып тұрады. Елімізде бэби-бокс тәжірибесін енгізіп, жасөспірімдерге кең көлемде түсіндіру жұмыстарын жүргізу қажет дейді.

Көпқабатты үйдің тұрғындары нәрестені үйдің жанындағы суық профностилдің үстінен тапқан. Олар дереу полиция шақырған. Жаңа туған нәрестенің өліміне не себеп болғанын қазір сот-медициналық сарапшылар анықтап жатыр. Ал тәртіп сақшылары оның анасын іздеп жатыр.

Қоғам белсенділерінің айтуынша, елге бэби-бокс керек екенін түсіндіреді. Өйткені, сөздерінше жаңа туған нәрестелер көшеде немесе қоқыс жәшіктерінен табылған сияқты оқиғалар жылдан-жылға қайталана бермек. Бэби-бокс бірден бірнеше мәселені шешеді: олар әйелді қылмыстық жауапкершіліктен ал баланы өлімнен құтқарады. Сонымен қатар, ақпараттық жұмыстарды жүргізу де аса маңызды.

“Көп адамдар дағдарыс орталығына, балалар үйіне немесе аналар үйіне баруға болатынын білмейді. Олар бұл ақпаратты білмейді және біз оларға баланың өмірін сақтап қалуға болатынын жіті түсіндіруіміз керек”, – деп дабыл қағады әйелдер істері және отбасылық-демографиялық саясат жөніндегі ұлттық кеңестің мүшесі Тоғжан Қожанова.

Сәбидің анасына қатысты қылмыстық іс қозғалды. Ол 4 жылға дейін бас бостандығынан айырылуы мүмкін.