Жазылу
Щучинск қаласындағы әскери колледжде 66 курсант қызылша жұқтырды
Қазақстан Республикасы Қорғаныс министрлігінің Шоқан Уәлиханов атындағы Әскери колледжі курсанттары арасында қызылша ауруының жағдайлары анықталды.
Кадеттер каникулдық демалыстан оралғаннан кейін олардың бір бөлігінде жұқпалы ауру белгілері байқалған. Қалыптасқан эпидемиологиялық ахуалды ескере отырып, дерттің сырттан жұққан болуы мүмкін екені айтылады.
Қазіргі таңда 66 кадет мамандандырылған медициналық мекемеде медициналық бақылауда.
Колледж аумағында байланыста болған тұлғалар анықталып, оқшауланды. Барлық науқастарға қажетті медициналық көмек көрсетілуде, денсаулық жағдайлары тұрақты.
Инфекцияның әрі қарай таралуының алдын алу мақсатында оқу орнында карантин жарияланды. Қосымша медициналық және санитарлық-эпидемиологиялық бақылау шаралары ұйымдастырылып, жеке құрамның денсаулығына мониторинг күшейтілген.
