Шымкент тұрғыны жергілікті көлде қолтырауын бар екенін айтып, оны видеоға түсіріп алған

Бұл видео әлеуметтік желілерде біраз шу шығарды. Кадрларды түсірген әйел «Жайлаукөл» демалыс аймағы аумағындағы көлден қолтырауын көргенін айтты.

Видеоның астындағы пікірлерде бауырымен жорғалаушы жақын маңдағы хайуанаттар бағынан қашып кеткен деген болжам бар. Шымкенттегі хайуанаттар бағында қолтырауындарды жоғалтпадық деп отыр. 

«Бұл жерде күрделі жөндеу жұмысы жүрді. Қолтырауын қашып кетсе, бірден байқаймыз. Видео жалған ақпарат. Біздің қолтырауындар бәрі орнында, бесеуі де бар», — дейді Шымкент зообағының террариум бөлімінің меңгерушісі Раиса Долгова.

Демалыс аймағының әкімшілігі де видеоның жалған екенін айтты. Мұндай суда қолтырауын өмір сүре алмайды. Жасанды тоған Төлеби өңірінен созылып жатқан бұлақпен толады, ал, бұлақ суы өте суық. Сонымен қатар, су қоймасы мерзімді түрде тексеріледі.

«Мұндай суда қолтырауын өмір сүре алмайды, ол өте суық. Сонымен қатар, көлде балықтар көп, біз оларды жиі тексереміз, ол үшін көлді зерттейміз. Сондықтан қолтырауын міндетті түрде көзге түседі. Көл қауіпсіз. Онда жыртқыш жоқ», — дейді «Жайлаукөл» демалыс аймағының басшысы Асылбек Абдуллаев.

Демалыс аймағы қызметкерлерінің айтуынша, көлде балық көп. Кейде олар топ болып жүзеді. Келуші олардың көлеңкесін көрген  болуы мүмкін.