Сіріңкемен ойнаған үш жасар бала жансақтау бөліміне түсті

Ведомстыо мәліметінше, 27 мамырда Ташкенсаз ауылында екі бала үйдің ауласында ойнап жүрген. Біреуі бензин құтысының жанында сіріңке жаққан. Содан от лап ете қалып 2020 жылы туған баланың мойыны, арқасы, бөксесі, оң жақы иығы, жалпы, денесінің 20-29 проценті күйіп қалған. Оны дереу Еңбекшіқазақ ауданының орталық ауруханасына жеткізіп, бала жансақтау бөлімінде жатыр.

«Егер қарапайым қауіпсіздік ережелері сақталса, бұл қайғылы оқиғаны болдырмауға болар еді. Балаларды қараусыз қалдырмаңыз, жанғыш заттары бар канистрлерді балалардың қолы жететін жерлерде сақтамаңыз, сіріңкемен ойнауға болмайтынын түсіндіріңіз», — деді ТЖМ.