Сирияда күрдтердің Рожава автономиясы таратылды

 Бұл аумақ бұрын Башар Асад режиміне, «Ислам мемлекеті» (ИШИД) ұйымына және Түркия қолдайтын күштерге қарсы тұрған, ИШИД-ке қарсы күресте шешуші рөл атқарған аймақ ретінде белгілі еді.

Асад билігі құлағаннан кейін елде билікке келген Ахмад аш-Шаръа жетекшілігіндегі жаңа үкімет автономияны мойындаудан бас тартты. АҚШ та бұрынғы одақтасы саналатын күрд күштерін емес, Дамаскідегі жаңа билікті қолдауды таңдады. 2026 жылдың қаңтарында үкімет әскерлері Рожава аумағына кіріп, екі аптаға созылған қарсылықтан кейін автономия толықтай Дамаск бақылауына өтті.

Келісімге сәйкес, күрдтердің негізгі әскери күші – SDF таратылып, оның жауынгерлері жеке тәртіппен Сирия армиясы мен полициясына қосылады. Автономия аумағындағы мұнай-газ кен орындары да орталық билікке өтті. Сонымен қатар, шетелдік күрд еріктілері аймақтан шығарылмақ.

Осылайша, Сириядағы күрдтердің өзін-өзі басқару тәжірибесі аяқталып, ел унитарлы, орталықтандырылған басқару үлгісіне біржола бет бұрды.