Жазылу
СІМ Мұрат Нұртілеудің кездесуде отырған суретін жариялады
Қазақстан Сыртқы істер министрі Мұрат Нұртілеу «Harvest Group» компаниясының жетекшілерімен кездескен.
Кездесуде агро-индустриалды кластер құру мәселесі талқыланды. Жоба аясында алғашқы кезеңде Жетісу және Алматы облыстарында 150 мың гектар жайылымдық және пайдаланылмай жатқан жерлерді суармалы егістікке айналдыру жоспарланып отыр, деп хабарлады СІМ.
Кездесу кадрларында министрдің қалыпты жағдайда отырғаны байқалды.
Айта кетейік, кеше Orda.kz басылымы Мұрат Нұртілеудің ұсталғаны туралы ақпарат таратқан еді. Алайда бұл мәліметті ресми билік жоққа шығарды.
Алайда, Orda.kz-тің жазуынша, СІМ жариялаған суреттер мен мәтіндер шілде айындағы кездесу туралы хабарламамен сәйкес келеді. Басылымның фактчекингіне сүйенсек, дәл осы кездесу 1 шілде 2025 жылы өткен. Министрліктің жаңа хабарламасында кездесудің өткен күні нақты көрсетілмеген.
