Жазылу
12:14, 05 Мамыр 2023
Сот үкімінен соң Серік Күдебаевтың қайда екені белгілі болды
Желіде бұрынғы генерал-майор Серік Күдебаевты Астанаға жібергелі жатыр деген ақпарат тарады.
Осыған байланысты Tengrinews.kz құқық қорғау органдарына сұрау салды, деп хабарлайды Жас Алаш.
Құзыретті орган Күдебаевтың әлі Талдықорғанда екенін мәлімдеді.
«Талдықорған қалалық сотының Серік Күдебаевқа қатысты үкімі заңды күшіне енген жоқ. Қазіргі уақытта сотталушы Талдықорған қаласының №71 мекемесінде. Серік Күдебаевты ауыстыру туралы бұйрық түскен жоқ», — делінген хабарламада.
