Сүйек сынуы, ми шайқалуы: Алматы облысы әкімінің орынбасары жол апатына ұшырады

Қазір шенеуніктің жағдайы ауыр.

Оқиға облыстағы тас жолдардың бірінде болған. Жол-көлік оқиғасынан кейін Масабаев көптеген жарақат алып, жедел түрде Алматы облыстық көпсалалы клиникалық ауруханаға жеткізілді.

Дәрігерлердің айтуынша, Асет Масабаевтың миы шайқалып, кеуде қуысы жабық түрде зақымданған, қабырғалары сынған және денесінде бірнеше соққы іздері бар. Сонымен қатар ол аралас жарақат алған.

Қазіргі уақытта жол апатына қатысты басқа мәліметтер жарияланған жоқ. Алматы облысы әкімдігі өңір әкімінің орынбасары Асет Масабаевтың қатысуымен болған жол апатына қатысты үнсіздік сақтап отыр.