Тағы бір өзбек әуе компаниясы Қазақстанға рейстерін бастайды

Мәліметке сәйкес, мамыр айында рейстер аптасына екі рет – дүйсенбі және бейсенбі күндері орындалады. Ал 6 маусымнан бастап жұма күні қосымша рейс енгізіліп, аптасына үш рейске дейін көбейтіледі.

Centrum Air – 2023 жылдан бері жұмыс істеп келе жатқан өзбекстандық жеке меншік әуе компаниясы. Қазіргі таңда аталған тасымалдаушы Ташкенттен әлемнің 15 қаласына әуе қатынасын қамтамасыз етіп отыр.

Айта кетейік, Алматы мен Ташкент арасында бұған дейін де бірнеше компания тұрақты рейстер орындап келеді, олардың қатарында Қазақстанның Air Astana және Өзбекстанның ұлттық тасымалдаушысы Uzbekistan Airways бар.

Қазақстан мен Өзбекстан арасындағы әуе байланысының кеңеюі екі ел арасындағы туризм мен іскерлік қарым-қатынастардың артуына оң әсер етеді деп болжанған.