Жазылу
Бүгін, 12:51
Талғардың бұрынғы әкімі такси жүргізушісі болып жүр
Талғар қаласының бұрынғы әкімі Арыстанбек Әбілқайырұлы қазір такси жүргізушісі ретінде жұмыс істеп жатыр.
Бұл туралы экс-әкім журналист Нұрсейіт Жылқышыбайға берген сұхбатында айтты:
«Қазір үшінші күн болды, күн-түн демей таксист болып жүрмін. Өз көлігім жоқ. Көлікті жалға аламын. Үйде жатқаным ұят болды. Бала-шағамды асырауым керек. Бұрынғы әкім қазір таксист болып жүр. Түнгі үшке дейін жүрдім. Жоспар бойынша күніне 18 500 теңге жасау керек», – деді экс-әкім.
Еске сала кетейік, Арыстанбек Әбілқайырұлы биыл 12 ақпанда денсаулығына байланысты Талғар қаласының әкімі қызметінен отставкаға кеткен еді.
