Тарихтағы ең ыстық 2023 жыл әлем елдері үшін несімен есте қалды

2023 жылы әртүрлі елдерде температура рекордтары тіркелді. Мароккода – 50°С, Испанияда, Грецияда, Италияда – 45°С. Ресейдің Екатеринбург қаласында ауа температурасы 40°С-қа жетті. Аризона штатының Феникс қаласында аптап ыстық 31 күн қатарынан 43°C-тан жоғары болды.

Қатты дауыл, жел мен құрғақшылық кезінде тұтанған Гавайидегі өрттен кем дегенде 97 адам қаза тапты. 

Ыстық пен жауын-шашынның аздығынан Перу мен Боливияның шекарасындағы Титикака көлі Оңтүстік Америкадағы ең үлкен және әлемдегі кеме қатынасы үшін ең таяз көл болып қалды.
Сәуірден қарашаға дейін су деңгейі 70 сантиметрден төмен болды. 

2023 жылдың сәуірінде ыстыққа байланысты Испанияның оңтүстігіндегі Сьерра-Бойера су қоймасы құрғап қалды. Ол ондаған мың жергілікті тұрғындарды ауыз сумен қамтамасыз етіп тұрған еді.

Қыркүйектің соңында Бразилияның Тефе көлінде 120 амазониялық дельфин өлі табылды. Ғалымдардың айтуынша, олардың өліміне судың 39°С-қа дейін қызуы себеп болуы мүмкін.

Канадада өткен жылы жүздеген өрт 18,5 миллион гектар орманды өртеп жіберді. Түтін АҚШ қалаларына, соның ішінде аспан қызғылт сары түске боялған Нью-Йоркке де жеткен.

140 жылдағы ең қатты жауын Қытайда шілде айының аяғында болған «Доксури» тайфунынан кейін болды. Миллионнан астам адам үйлерін тастап кетуге мәжбүр болды. Тайфунның алдында рекордтық ыстық болды: Қытайдың солтүстік-батысындағы қалалардың бірінде ауа температурасы 52°С-қа дейін көтерілді.

Еуропадағы жаздың қалыптан тыс аптап ыстығы мұздықтардың, соның ішінде Италиядағы Аоста алқабындағы Рутор мұздығының еруін жеделдетті.

Швейцарияның Альпі тауларында ауа температурасының көтерілуі тау шаңғысы курорттарының жұмысын жартылай тоқтатуға әкелді. Лейсін ауылының ауасы қаңтар айында 20°С-қа дейін жылыды.