Тегерандағы отшашу — билікке қарсы ұранға ұласты

Қала әкімдігі тұрғындарды арнайы шақырып, мерекелік көңіл күй қалыптастыруды көздеген.

Алайда кешкі уақытта көшеге шыққан жұрт отшашуды тамашалаудың орнына, билікке қарсы ұрандар көтере бастады. Ирантанушы Жәнібек Көпжасардың жазуынша, жиналғандар “Диктаторға өлім!”, “Хаменеиге өлім!” деп айқайлаған. Сөйтіп, жоспарланған мерекелік шара наразылық акциясына ұласқан.

Наразылықтың басталуына Тегеран мэрі Ализаде Заканидің (Алиреза Закани) тұрғындарды отшашу көруге көшеге шығуға шақыруы түрткі болған. Алайда қоғамдағы әлеуметтік-экономикалық қиындықтар, саяси шектеулер мен соңғы айлардағы сыртқы қысым фонында бұл үндеу кері әсер берді.