Теміртауда қала ішіндегі жолдар алғаш рет жөнделе бастады

Мұндағы халықты жылу мәселесі көптен бері титықтатып келген болатын. Енді ол түйткіл де, шешілетін болды. Қазір  қала  бойынша №1, 2 және 3 жылу желілерін ауыстыру жұмыстары жүріп жатыр.  

Билік мердігерлерге құбырларды бөлшектеуге жол бермейтінін қадап тапсырып отыр. Биыл  мұнда алты жоба жүзеге асырылмақ. Нақты айтқанда,  29 шақырымға жуық жылу желілері жөнделеді. Сонымен қатар, бұл міндетті жүзеге асыруға орталық магистральдар мен орамішілік өткелдер қамтылады.  

 -  Қала ішіндегі  жолдарға алғаш рет ауқымды жөндеу жүргізілмек. Жалпы ұзындығы  53 шақырым жол өңделеді. Орталық көшелер мен орамдарды, сондай-ақ аулаларға асфальт төселеді. Сонымен қатар, жолдардың нашар бөлігіндегі шұңқырлар жабылады. Бір кездері «Оқжетпес» және «Аква-Трейдингтің» су құбырларындағы апаттартарды ізі бүтінделеді, — деді  қалалық жолаушылар көлігі және автожолдар бөлімінің басшысы Ескендір Қабидолла.

Бұқаралық спорт түріне ден қойылады. Қалада 30 ойын алаңы мен 10 футбол корты жаңадан орнатылады. Мердігер — жергілікті компания өкілі. Бұл орайда, ересектердің де, балалардың да сұраныстары ескерілген. Атап айтқанда, 12 шағын сәулет формалары, тренажерлар, самалжайлар және орындықтар орнату жоспарланған. Бүгін Теміртауға арнайы жұмыс сапарымен барған облыс әкімі Ермағанбет Бөлекпаев барлық нысандардағы қауырт міндеттермен танысып, мердігер алдына нақты тапсырмалар қойды.     

Өңір басшысы «Металлург» стадионын, «Жастар» бассейнін және «Строитель» спорт кешенін аралап өтті. Бұл нысандардың  барлығы жөндеуді қажет етеді. Көлемі ұланғайыр кешендер ауқымды  қаражатты қажет етеді. Биылғы мұндағы  жылы бассейндегі желдету жүйесі жаңартылып,  терезелер ауыстырылады.  Тараптар  әкім алдына стадион мен бассейінді Теміртау әкімдігінің балансына беру туралы мәселе көтерілді. Ал бұл өз кезегінде, жергілікті бюджеттен қаражат бөлуге мүмкіндік береді. Сапар соңында облыс әкімі  Ермағанбет Бөлекпаев жылыту маусымына дайындық бойынша кеңес өткізді.