Жазылу
10:40, 15 Ақпан 2024
Теміртауда дүкенде газ жарылды: үйінді астынан әйелдің мәйіті табылды
Теміртауда дүкенде газ жарылып, ғимарат өртке оранды. Ведомство мәліметінше, бүгін сағат 08.06-да Теміртау қаласы, Ватутин көшесіндегі 2 қабатты дүкенде газ жарылғаны туралы хабарлама келіп түскен.
"Тексеру және барлау барысында зардап шеккендердің орналасқан жері анықталды. Үйінділерді тазалау жұмыстары басталды. ТЖД күштерінен 17 адам және 5 техника жұмылдырылды, оның ішінде 5 техника оқиға орнына бара жатыр.", - делінген хабарламада.
ТЖМ мәліметінше, сағат 09:49-да үйіндінің астынан қаза болған әйелдің мәйіті табылды.
