Тендербектер тіміскі тірлігін тоқтатар емес

Оған сенсек, мемлекеттік сатып алулар сайтында Өскемен қаласындағы кварталішілік электр желілері құрылысы бойынша өте күмәнді тендер пайда болған. Тендердің құны анау-мынау емес, 1 миллиард 438 миллион теңге!

Артынан, одан да күмәнді құбылыстар орын алады: тендерге қатысқан жеті компанияның бесеуі бір тиынына дейін бірдей баға ұсынған – 1 миллиард 294 миллион 882 мың 097 теңге 92 тиын!

 Бұл қалай десеңізші?! Бөлек-бөлек бес фирма, бір тиынына дейін, бірдей соманы көрсетеді! Бір былық бар екені анық мұнда. Әлгі жеті компанияның бесеуі өзара астыртын келісіп, Өскемендегі электр желілері құрылысына берілетін майлы бюджетке қалай да қол жеткізуді мақсат тұтқан деген мықты күдік бар. Тендер өткізілмеді деп танылыпты.

 Енді сол тендерді бір көзден сатып алу арқылы жүргізе салып, бәз-біреулер майшелпекке кенелейін деп, алақандарын ысқылап, отырған сыңайлы...