Threads жаңа әлеуметтік желісі туралы не белгілі?

Ол Twitter әлеуметтік желісіне бәсекелес болады деп жоспарланған.

Meta корпорациясы 5 шілдеде Threads атты жаңа әлеуметтік желіні таныстырды. Ол бір күннен аз уақыт ішінде 30 миллион пайдаланушы жинады. Threads – Илон Маскқа тиесілі Twitter платформасына ұқсас әлеуметтік желі және қысқа жазбаларды, фотосуреттер мен бейнелерді жариялауға мүмкіндік береді.

7 шілдеде Twitter басшылығы Meta корпорациясын Threads әлеуметтік желісінің іске қосылуына байланысты сотқа беретінін хабарлады. Twitter мәліметінше, Мета коммерциялық құпияны пайдаланып, меншікті ұрлаған.

Threads әлеуметтік желісі жобасы 2023 жылдың қаңтарында іске қосылды. Үш ай бұрын америкалық миллиардер Илон Маск Twitter платформасын сатып алып, әлеуметтік желінің контент модерациясына өзгерістер енгізді. Нәтижесінде бұл пайдаланушылардың наразы болуына және басқа микроблог қызметтерін іздеуіне себеп болды. 2022 жылдың қарашасында Meta корпорациясы жағдайды пайдаланып, жаңа әлеуметтік желіде жұмысын бастағанын хабарлады.

Қолданба туралы мәлімет шетелдік БАҚ-та 2023 жылдың наурыз айында пайда болды. Маусым айында The Verge Meta бас директоры Крис Кокс «Twitter баламасы» деп сипаттаған Project 92 туралы хабарлады.

Threads әлеуметтік желісі 5 шілдеде пайдаланушыларға таныстырылды.

6 шілдеде қолданба 30 миллион рет жүктеліп, ChatGPT орнатқан рекордтан асып түсті. Сол күні Twitter заңгерлері Meta Corp компаниясын қосымшаны әзірлеу үшін коммерциялық құпияларды пайдаланды деп айыптап, сотқа беру жоспарлары туралы хабарлады.

Threads-тің басты ерекшеліктерінің бірі — оның аккаунттары Instagram-мен тығыз байланысты. Жаңа микроблогқа тіркелу кезінде пайдаланушы Instagram желісіндегі атқа ұқсас атау алады. Instagram парақшаңызды жоймай Threads парақшаңызды жоя алмайсыз.

Threads негізін қалаушылар әлеуметтік желі жақын арада басқа қызметтермен интеграцияланатынын айтады. Бұл мазмұнды бөлісуге және басқа платформалардан жазылушыларды тартуға мүмкіндік береді деп болжанған.

Бұған дейін Threads іске қосылғанын білетін Илон Маск Meta басшысы Марк Цукербергті жеке жекпе-жекке шақырған болатын. Өз кезегінде Цукерберг оның ұсынысын қабыл алып, жекпе-жек өтетін орынды өзі таңдай алатынын айтты.