Тоқаев Путинмен телефон арқылы сөйлесті

Әңгіме барысында мемлекет басшылары дәстүрлі достық және өзара сенім рухында Қазақстан мен Ресей арасындағы көпқырлы ынтымақтастықтың қазіргі жай-күйі мен оны одан әрі дамыту перспективаларын талқылады.

Президенттер жоғары деңгейде қол жеткізілген келісімдердің жүйелі түрде орындалып жатқанын атап өтті. Сонымен қатар мәдени-гуманитарлық байланыстарды тереңдету бағытындағы жұмыстарға оң баға беріліп, бірлескен ғылыми-білім беру бастамаларын ілгерілетудің маңыздылығы айтылды.

Қасым-Жомарт Тоқаев Ресей басшысын Қазақстанға мемлекеттік сапармен келуге шақыруын растады.

Сондай-ақ тараптар халықаралық және өңірлік күн тәртібіндегі өзекті мәселелер бойынша пікір алмасты.