Тоқаев Щучьедегі студенттің өліміне қатысты пікір білдірді

Мемлекет басшысы Ішкі істер министріне Ақмола облысының Щучье қаласында студенттің өліміне қатысты барлық мән-жайды жан-жақты тексеруді тапсырды.

«Кінәлілер заң талаптарына сай жауапқа тартылуы тиіс, бұл істі президент ерекше бақылауға алды», - делінген хабарламада.

Естеріңізге сала кетейік, қазанның 6-сына қараған түні Щучьедегі теміржолдан Жоғары техникалық колледждің 4-курс студенті Роман Бодаговтың мүрдесі Бурабай курорты мен Жамантұз аралығынан табылды.