Тоқаев Трамптың шақыруымен 18-19 ақпанда Вашингтонға барады

Мемлекет басшысы Бейбітшілік кеңесінің (Board of Peace) инаугурациялық отырысына қатысады.

Қандай мәселелер талқыланады?

Ақорданың баспасөз қызметінің мәліметінше, саммитте негізгі назар:

• Газа секторындағы жағдайды тұрақтандыруға;
• бейбітшілік пен қауіпсіздікті қамтамасыз етудің нақты тетіктерін әзірлеуге;
• өңірге тұрақты гуманитарлық қолдау көрсетуге аударылады.

Бизнес өкілдерімен кездесулер

Сапар аясында Қасым-Жомарт Тоқаев ірі америкалық компаниялардың басшыларымен бірқатар кездесулер өткізеді.

Бұған дейін, 2026 жылғы 22 қаңтарда Тоқаев Дональд Трамп бастамашы болған Бейбітшілік кеңесінің Жарғысына қол қойғаны хабарланған еді.