Трамп: АҚШ Иранға қарсы шабуылдарды алдағы апталарда тоқтатуы мүмкін

 Бұл туралы АҚШ президенті Дональд Трамп Ақ үйде журналистермен сөйлесу барысында мәлімдеді.

Трамптың айтуынша, Иранға қарсы шабуылдар ел басшылығымен ешқандай келісім жасалмаса да тоқтатылуы мүмкін.

— Олардағы режим өзгерді. Бұл менің жоспарымда болған жоқ. Менің бір ғана мақсатым болды — олардың ядролық қару жасауына жол бермеу, және бұл мақсатқа жеттік. (…) Біз жұмысты аяқтап келеміз, бұл шамамен екі апта, мүмкін бірнеше күнге ұзағырақ уақыт алуы мүмкін. Бірақ біз оларда бар барлық мүмкіндікті жоюды қалаймыз, — деді Трамп.

АҚШ президенті келісімге қол жеткізілген жағдайда қақтығыс бұдан да ертерек аяқталуы мүмкін екенін айтты. Оның сөзінше, Иран билігі мұндай келісімді «қатты қалайды». Алайда, Трамптың пікірінше, келісімнің жасалуы немесе жасалмауы түбегейлі маңызға ие емес.

Бұған дейін Дональд Трамп рейтингі Иранға қарсы әскери әрекеттер аясында жаңа минимумға дейін төмендегені хабарланған болатын.