Трамп Киевпен ресурс жөніндегі келісімнің жақын арада жасалатынын мәлімдеді

АҚШ президенті Дональд Трамп Киевпен Украинадағы пайдалы қазбаларды өндіруден түсетін табысты бөлу туралы келісімге жақын арада қол қойылады деп күтіп отыр. Бұған қоса, Вашингтон өзін Ресейдің басып кіруінен қорғап отырған Украинамен украин электр станцияларын америкалық компанияларға беру мүмкіндігі туралы келіссөздер жүргізіп жатыр.

Ақ үй басшысының айтуынша, бұл тақырыптар Эр-Риядтағы келіссөздерде басқалармен қатар талқылануда, олар бірінші кезекте Қара теңіздегі атысты тоқтатуға бағытталған. "Біз қазір аумақ туралы айтып жатырмыз. Біз шекара сызығы туралы, энергетика, электр станцияларына иелік ету туралы айтып отырмыз. Кейбір адамдар АҚШ электр станциясына иелік етуі керек дейді, өйткені бізде тәжірибе бар", - деп келтіреді Reuters Трамптың сөзін.