Жазылу
16:07, 17 Шілде 2023
Түркістан облысында жол апатынан 9 адам қаза тапты (видео)
Түркістан облысында жол апатынан тоғыз адам қаза тапты. Бұл туралы Ішкі істер министрлігінің ресми Telegram-арнасы хабарлады.
Бәйдібек аудандық полиция бөліміне 17 шілде күні сағат 09:00 шамасында Шаян ауылы маңында жол апаты болғандығы туралы хабарлама келіп түсті.
Облыстық маңызы бар Екпінді-Созақ тас жолы бойында Nissan, Toyota Camry және Volkswagen Grafter автокөліктері соғылды.
Апат салдарынан көліктер өртенген. Нәтижесінде 9 адам қаза тауып, 13 адам ауруханаға жеткізілген. Екі адам медициналық көмектен бас тартты. Алдын ала мәліметтер бойынша, Nissan автокөлігі қарсы бағытқа шығып кеткен. Оқиға орнына бірден Түркістан облысы ПД басшылығы барды.
